പത്താം ക്ലാസ്സുക്കാരൻ പണിത കാർ കാണാം…!

സമൂഹമൊട്ടാകെ ലോക്ക് ഡൗണിനെ മടുപ്പോടെയും വെറുപ്പോടെയും നേരിട്ടപ്പോൾ മറ്റുള്ളവരിൽ നിന്നും പൂർണ്ണമായും വ്യത്യസ്തമായി തന്റെ ലക്ഷ്യത്തിലേക്കുള്ള പരീക്ഷണങ്ങൾ നടത്താനുള്ള അവസരമായി കണ്ടിരിക്കുകയാണ് മലപ്പുറം മഞ്ചേരി പുല്ലൂർ സ്വദേശിയായ പത്താം ക്ലാസുകാരൻ ജിജിൻ.

പതിനഞ്ചുകാരനായ ജിജിൻ ലോക്ക് ഡൗൺ കാലയളവിൽ സ്വന്തമാക്കിയത് ഒരു കാറാണ്. അതും സ്വന്തം കൈ കൊണ്ട് നിർമ്മിച്ചത്.ആക്രിക്കടയിൽ നിന്ന് ഓട്ടോറിക്ഷയുടെ എൻജിനും ടയറും ബ്രേക്കും മറ്റും ശേഖരിച്ച് കേവലം മൂന്ന് ദിവസം കൊണ്ടാണ് ജിജിൻ തന്റെ കാർ നിർമ്മിച്ചിട്ടുള്ളത്.

സ്കൂളിലെ ശാസ്ത്രമേളയിൽ കാറൊരുക്കിയതിന്റെ ആത്മവിശ്വാസത്തിലാണ് ജിജിൻ കാറിന്റെ പണികൾ തുടങ്ങി വെച്ചത്. പണികളെല്ലാം പൂർണ്ണമായില്ലെങ്കിലും നിരത്തിലിറങ്ങാൻ പാകത്തിലാണ്. പത്താം ക്ലാസ് പരീക്ഷ കഴിയുന്നതോട് കൂടി കാറിന്റെ പണികൾ പൂർണ്ണമായും തീർക്കുന്നതോടെ ജിജിന്റെ ആദ്യ പരീക്ഷണം വിജയം കാണും.

നിർമ്മാണത്തൊഴിലാളിയായ പിതാവ് സുനിൽ കുമാർ,അമ്മ അജിത, സഹോദരി അലീഷ എന്നിവരാണ് ജിജിന്റെ ധൈര്യം. അദ്ധ്യാപകരുടെയും സുഹൃത്തുക്കളുടെയും പൂർണ്ണ പിന്തുണ ജിജിനുണ്ട്.അമ്മ അജിതയോടൊപ്പം ജിജിൻ.