ജീവിതത്തിലെ സുപ്രധാന നിമിഷം!! കുഞ്ഞിനെ വരവേൽക്കാൻ ഒരുങ്ങി സ്നേഹയും ശ്രീകുമാറും; ആറാം മാസത്തിലെ വിശേഷങ്ങൾ പങ്കുവെച്ച് താരങ്ങൾ… | Sneha Sreekumar Ready To Welcome Baby Malayalam

Sneha Sreekumar Ready To Welcome Baby Malayalam : നിരവധി പരമ്പരകളിലൂടെയും സിനിമകളിലൂടെയും പ്രേക്ഷകർക്ക് സുപരിചിതയായി മാറിയ താരമാണ് സ്നേഹ ശ്രീകുമാർ. ടെലിവിഷൻ ഷോകളിലൂടെ മാത്രമല്ല സോഷ്യൽ മീഡിയയിലും സ്നേഹ സജീവ സാന്നിധ്യമാണ്. താരം പങ്കുവെക്കുന്ന ഓരോ വിശേഷങ്ങളും വളരെ പെട്ടെന്ന് ആണ് പ്രേക്ഷകശ്രദ്ധ നേടാറുള്ളത്. താരത്തിന്റെ ഭർത്താവാണ് ശ്രീകുമാർ. ശ്രീകുമാറും ഒരു ടെലിവിഷൻ അഭിനേതാവാണ്. മറിമായം എന്ന പരമ്പരയിലൂടെയാണ് സ്നേഹ പ്രേക്ഷകർക്ക് പ്രിയങ്കരി ആയത് എങ്കിൽ ചക്കപ്പഴം എന്ന പരമ്പരയിലെ അവതരണത്തിലൂടെയാണ് ശ്രീകുമാർ പ്രേക്ഷകഹൃദയങ്ങൾ കീഴടക്കിയത്.

സ്നേഹയെ പ്രേക്ഷകർ വളരെയധികം സ്നേഹിക്കുന്നു സ്നേഹയുടെ കുട്ടിക്കുറുമ്പുകളും കളിച്ചിരിയും തമാശകളും കാണാൻ ആരാധകർക്ക് വളരെ ഇഷ്ടമാണ്. സ്നേഹയുടെ ചിരിയാണ് പ്രേക്ഷകർ ഏറ്റവും അധികം ഇഷ്ടപ്പെടുന്നത്. കല്യാണം കഴിഞ്ഞ് വർഷങ്ങളായെങ്കിലും കുട്ടികൾ ഇല്ലാത്തതിന്റെ പേരിൽ ഇരുവരും നിരവധി ചോദ്യങ്ങൾ സമൂഹത്തിൽ നിന്നും നേരിടേണ്ടി വന്നിട്ടുണ്ട്. എന്നാൽ ഇപ്പോൾ ഇതാ ഇരുവരുടെയും ജീവിതത്തിലേക്ക് ഒരു കുഞ്ഞ് വരാൻ പോവുകയാണ്. ഇപ്പോൾ സ്നേഹക്ക് ആറാം മാസമാണ്. താരത്തിലെ ഗർഭകാലത്തെ കുറിച്ച് ഇതിനുമുൻപ് തന്നെ പ്രേക്ഷകരോട് നിരവധി തവണ താരം തുറന്നു പറഞ്ഞിട്ടുണ്ട്.

ഇപ്പോൾ ജൂൺ മാസത്തോടുകൂടി സ്നേഹിക്കും ശ്രീകുമാറിനും ഒരു കുഞ്ഞ് പിറക്കാൻ പോവുകയാണ്. ഇരുവരും ഇതിന്റെ സന്തോഷത്തിലാണ്. തങ്ങൾക്ക് എങ്ങനെയുള്ള കുഞ്ഞു വേണമെന്ന് ഒന്നുമില്ല എന്നും ആരോഗ്യമുള്ള ഒരു കുഞ്ഞു മതി എന്നുമാണ് ഇരുവരും പറയുന്നത്. എന്നാൽ തന്റെ കുഞ്ഞ് പാട്ട് പാടണം എന്ന് തനിക്ക് ആഗ്രഹമുണ്ട് എന്ന് സ്നേഹ പറയുന്നു. അതുപോലെ കുഞ്ഞിന് ഇടാനുള്ള പേര് കണ്ടുവെച്ചിട്ടുണ്ടെന്നും പെട്ടെന്ന് തന്നെ വിളിക്കാൻ പറ്റുന്ന ഒരു പേര് ആയിരിക്കണം അത് എന്നുമാണ് തങ്ങളുടെ ആഗ്രഹം എന്നുമാണ് ഇരുവരും പറയുന്നത്. ശ്രീകുമാറും സ്നേഹയും തമ്മിലുള്ള ദാമ്പത്യത്തെ പ്രേക്ഷകർക്ക് വളരെയധികം ഇഷ്ടമാണ്. പരസ്പരം സ്നേഹത്തോടും ബഹുമാനത്തോടും കൂടിയാണ് ഇരുവരും കഴിയുന്നത്. ഗർഭിണിയാണെങ്കിലും തന്റെ ഷൂട്ടിങ്ങുകൾ ഒന്നും തന്നെ താൻ മുടക്കിയിട്ടില്ല എന്ന് സ്നേഹ പറയുന്നു.

ഗർഭിണി ആയതിന്റെ വലിയ ബുദ്ധിമുട്ടുകൾ ഒന്നും തനിക്കില്ല എന്നും അതുകൊണ്ട് താൻ സന്തോഷവതിയാണ് എന്നും താരം പറയുന്നുണ്ട്. ഇരുവർക്കും സ്നേഹിച്ചു വളർത്തുന്ന ഒരു നായയുണ്ട്. ഇതിന്റെ പേരാണ് ഓസ്കാർ. സ്നേഹക്ക് ആദ്യം നായകളെ ഇഷ്ടമായിരുന്നില്ല പേടിയായിരുന്നു. പൂച്ചകളെ ആയിരുന്നു കൂടുതൽ ഇഷ്ടം. എന്നാൽ ശ്രീകുമാർ ഓസ്കാർ എന്ന നായയെ കൊണ്ടുവന്നപ്പോൾ ഇപ്പോൾ ഏറ്റവും അധികം അതിനെ സ്നേഹിക്കുന്നത് സ്നേഹയാണെന്ന് ശ്രീകുമാർ പറയുന്നുണ്ട്. സ്നേഹ ഭക്ഷണം കൊടുക്കാതെ ഓസ്കാർ കഴിക്കുവാൻ കൂടി കൂട്ടാക്കില്ല എന്നാണ് അദ്ദേഹം പറയുന്നത്. ഈയടുത്ത് ചാനലിന് കൊടുത്ത ഒരു ഇന്റർവ്യൂവിൽ ആണ് ഇക്കാര്യങ്ങളെല്ലാം ഇരുവരും തുറന്നു പറയുന്നത്. ഇന്റർവ്യൂവിന് ഇടയ്ക്ക് ഇരുവരുടെയും ഏറ്റവും അടുത്ത കൂട്ടുകാരിയായ അശ്വതിയെ വിളിച്ച് ഒരു പ്രാങ്ക് കോളും ചെയ്യുന്നുണ്ട്. ഇരുവരുടെയും ഈ ഇന്റർവ്യൂവിന് താഴെ നിരവധി കമന്റുകൾ ആണ് ആരാധകർ പോസ്റ്റ് ചെയ്യുന്നത്.