ജസ്റ്റ് കിഡിങ് അല്ല ട്ടാ; ആദി ചേട്ടന്റെ ആദ്യത്തെ കാർ, ഫോക്സ്വാഗൺ കുടുംബത്തിൽ അംഗമായി നടൻ ശ്യാം മോഹൻ.!! | Actor Shyam Mohan New Car
പ്രേമലു എന്നൊരു ഒരൊറ്റ ചിത്രം കൊണ്ട് മലയാളി സിനിമ ആരാധകർക്കിടയിൽ വലിയ ഫാൻസ്‌ ബേസ് ഉണ്ടാക്കിയ താരമാണ് ശ്യാം മോഹൻ. നസ്ലിൻ നായകനായി എത്തിയ പ്രേമലു ലോകം ഒട്ടാകെ റിലീസ് ചെയ്ത് കളക്ഷൻ റെക്കോർഡ്സ് നേടിയതിനും ശേഷം നടൻ ശ്യാം മോഹനെ അറിയാത്തവർ ചുരുക്കമാണ്.
ശ്യാം ചെയ്ത ആദി എന്ന കഥാപാത്രത്തിന് അത്ര വലിയ സ്വീകാര്യതയാണ് ലഭിച്ചത്.ഇപ്പോൾ തന്റെ ജീവിതത്തിലെ മറ്റൊരു സന്തോഷം പങ്കിടുകയാണ് ശ്യാം മോഹൻ. ഫോക്‌സ്‌വാഗണിന്റെ മിഡ് സൈസ് എസ് യു വി ടൈഗൂൺകാർ കരസ്തമാക്കിയിരിക്കുകയാണ് ശ്യാം.
“ഇനി ഊബർ യാത്ര വേണ്ട, പ്രപഞ്ചത്തിനും സിനിമയ്ക്കും നന്ദി” ഇപ്രകാരം ഒരു ക്യാപ്ഷൻ കൂടി കൊടുത്തു കൊണ്ടാണ് പുത്തൻ കാർ നേടിയ മനോഹര ചിത്രവും സന്തോഷവും താരം പങ്കിട്ടത്. കറുപ്പ് നിറത്തിലുള്ള പുത്തൻ ഫോക്‌സ്‌വാഗണിന്റെ മിഡ് സൈസ് എസ്യുവി ടൈഗൂൺ നേടിയ താരം ഫോക്സ്‌വാഗണിൻ്റെ കൊച്ചി ഷോറൂമിൽ വാഹനം ഇപ്പോൾ ഡെലിവറി എടുത്തിരിക്കുന്നത്.
അതേസമയം വെബ്സീരീസുകളിലുയും ഏതാനും ചെറിയ സിനിമ റോളുകളിൽ കൂടിയും ശ്രദ്ധേയനായ ശ്യാം മോഹൻ, പൊൻമുട്ട എന്ന യൂട്യൂബ് വെബ് സീരീസിലൂടെയാണ് ഏറെ പ്രശസ്തി നേടിയത് 2023ൽ ശ്യാം മോഹൻ വിവാഹിതനായി,ഗോപികയാണ് താരത്തിന്റെ ഭാര്യ.
