Sushin Shyam Uthara Marriage : ആധുനിക മലയാള സിനിമയിലെ സ്റ്റാർ സംഗീത സംവീധായാകൻ സുഷിൻ ശ്യാം വിവാഹിതനായി. ഉത്തരയാണ് സുഷിൻ ശ്യാം വധു. അടുത്ത സുഹൃത്തുക്കളും കൂടാതെ രണ്ട് പേരുടെയും ബന്ധുക്കളും മാത്രം പങ്കെടുത്ത വിവാഹ ചടങ്ങിൽ നടൻ ജയറാം, കാളിദാസ്, പാർവതി, ശ്യാം പുഷ്കരൻ, ഉണ്ണിമായ, ദീപക് ദേവ് എന്നിവരും സന്നിഹിതരായി.
നേരത്തെ ജയറാംമകൾ ചക്കി വിവാഹ ദിനത്തിൽ വിവാഹ ചടങ്ങിൽ തന്റെ പ്രണിയിനിയായ ഉത്തരയെ സുഷിൻ ശ്യാം എല്ലാവർക്കും പരിചയപ്പെടുത്തിയിരുന്നു. അതേസമയം മലയാള സിനിമയിലെ തന്നെ ഇന്നത്തെ ഏറ്റവും തിരക്കുള്ള സംഗീത സംവീധായകനായ സുഷിൻ ശ്യാം മലയാളസിനിമയിലെ ഒരു ഗായകനും, സംഗീത സംവിധായകനുമാണ് “ദ ഡൗൺ ട്രൊഡൻസ്” എന്ന പ്രശസ്ത മെറ്റൽ ബാന്റിലെ കീബോഡിസ്റ്റ് കൂടിയാണ് സുഷിൻ.
2019 – ൽ കുമ്പളങ്ങി നൈറ്റ്സ് എന്ന ചലച്ചിത്രത്തിലെ ഗാനങ്ങൾക്ക് മികച്ച സംഗീത സംവിധായകനുള്ള കേരളസംസ്ഥാന ചലച്ചിത്ര പുരസ്കാരം കരസ്തമാക്കി. 2014ല്‍ സപ്തമശ്രീ തസ്ക്കരാ എന്ന ചിത്രത്തിന് മനോഹര പശ്ചാത്തല സംഗീതം ചെയ്താണ് സുഷിൻ ശ്യാം മലയാള സിനിമ രംഗത്തെക്ക് എൻട്രി നടത്തിയത്.
അവസാനമായി സുഷിൻ സംഗീത സംവീധാനം നിർവഹിച്ചത് അമൽ നീരദ് സംവിധാനം ചെയ്ത ബോഗയ്ൻവില്ല സിനിമക്കാണ്. സുഷിനു എല്ലാവിധ വിവാഹ മംഗളആശംസകൾ നേരുകയാണ് സോഷ്യൽ മീഡിയയും സിനിമ ലോകവും.