Lekshmi Nair Grand Daughter Saraswathy First Birthday : പാചകവിദഗ്ധ എന്ന നിലയിൽ ടീവി ഷോകളിലൂടെ പ്രശസ്തയായ പ്രേക്ഷക പ്രിയ താരമാണ് ലക്ഷ്മി നായർ. ഇന്ന് ഇപ്പോൾ അനേകായിരം കുക്കിങ്ങ് വ്ലോഗ്ഗുകളും വ്ലോഗേഴ്സും ആണ് സോഷ്യൽ മീഡിയയിലും മറ്റുമായി നിറയുന്നത്. എന്നാൽ ഇങ്ങനെ ഒരു ട്രെൻഡ് സെറ്റ് ചെയ്ത താരം ലക്ഷ്മി നായരാണ്.
കൈരളി ടീവിയിൽ ലക്ഷ്മി നായർ അവതരിപ്പിച്ച രണ്ട് പാചക പരിപാടികൾ ആയിരുന്നു മാജിക്‌ ഓവൻ, ഫ്ലേവേഴ്‌സ് ഓഫ് ഇന്ത്യ എന്നിവ. നിയമത്തിൽ ബിരുദാനന്തര ബിരുദവും പിന്നീട് ഡോക്ടറേറ്റും നേടിയ താരം ലോ അക്കാദമിയിൽ ലെക്ചറർ ആയും പിന്നീട് പ്രിൻസിപ്പൽ ആയും പ്രവർത്തിച്ചിട്ടുണ്ട്. പാചക കലയിലുള്ള തന്റെ പാഷൻ ആണ് താരത്തെ ഈ പാതയിൽ നയിച്ചത്. കൈരളി ചാനലിലെ ഫ്ലേവേഴ്‌സ് ഓഫ് കേരള എന്ന പാചക പരിപാടി അവതരിപ്പിച്ചു കൊണ്ടാണ് ലക്ഷ്മി ടെലിവിഷൻ മേഘഹളയിലേക്ക് എത്തിയത്.
ഇന്നിപ്പോൾ യൂട്യൂബ് ചാനലിൽ അനേകം സബ്സ്ക്രൈബെഴ്സ് ഉള്ള കോൺടെന്റ് ക്രിയേറ്റർ ആണ് താരം. യൂട്യൂബിലൂടെ തന്റെയും തന്റെ കുടുംബത്തിന്റെയും എല്ലാ വിശേഷങ്ങളും യൂട്യൂബ് ചാനലിലൂടെ ലക്ഷ്മി പങ്ക് വെയ്ക്കാറുണ്ട്. ഈയടുത്താണ് ലക്ഷ്മിയുടെ മകൻ വിഷ്ണുവിനും മരുമകൾ അനുരാധയ്ക്കും ഒരു പെൺകുഞ്ഞു ജനിച്ചത്. കൂടാതെ പിന്നീട് ലക്ഷ്മിയുടെ വീട്ടിലെ കുഞ്ഞു രാജകുമാരിയുടെ പേരിടൽ ചടങ്ങുകൾ താരം ആഘോഷമാക്കിയത് അടക്കം യൂട്യൂബിൽ കൂടി പങ്കിട്ടു.
സരസ്വതി നായർ എന്നാണ് കുഞ്ഞിന് നൽകിയ പേര്. മകൻ വിഷ്ണുവിന് നിയമത്തിൽ ഡോക്ടറേറ്റ് ലഭിച്ച സന്തോഷവും അതിനു ശേഷം താനൊരു മുത്തശ്ശിയായ വിവരവും എല്ലാം താരം സോഷ്യൽ മീഡിയയിൽ മുൻപ് പങ്ക് വെച്ചിരുന്നു. ഇപ്പോൾ കൊച്ചു മകൾ ഒന്നാം പിറന്നാൾ ആഘോഷമാക്കി മാറ്റുകയാണ് കുടുംബം. ഒന്നാം പിറന്നാൾ ദിനത്തിലെ ഗ്രാൻഡ് സെലിബ്രേഷൻ വീഡിയോ അടക്കം ഇപ്പോൾ പ്രിയപെട്ടവർക്കായി ഷെയർ ചെയ്തിട്ടുണ്ട്.