Guinness Pakru At Sabarimala Sannidhanandan : സ്റ്റേജ് ഷോകളിൽ ഗംഭീര പെർഫോമൻസുകളുമായി വന്നു കാണികളെ കുടു കുടെ ചിരിപ്പിച്ച കാലം മുതൽക്കേ മലയാളികൾ ഹൃദയത്തോട് ചേർത്ത് പിടിച്ച താരമാണ് ഗിന്നസ് പക്രു. പിന്നീട് ടീവി ഷോകളിൽ നിറ സാനിധ്യം ആയിരുന്നു താരം.
ഏഷ്യാനെറ്റിലെ ഹിറ്റ് ഷോ ആയിരുന്ന സിനിമാലയിലെ നിറ സാനിധ്യം ആയിരുന്ന ഗിന്നസ് പക്രു പിന്നീട് മലയാള സിനിമയിലെ മികച്ച ഒരു നടനായി മാറിയ കാഴ്ചയും മലയാളികൾ ഏറെ സന്തോഷത്തോടെയാണ് കണ്ടത്. 2005 ൽ വിനയൻ സംവിധാനം ചെയ്ത അത്ഭുതം ദ്വീപ് എന്ന ചിത്രമാണ് താരത്തിന്റെ തലയിലെഴുത്ത് തന്നെ മായിച്ചു കളഞ്ഞത്.
അജയകുമാർ ആദ്യമായി ഒരു മുഴുനീള ചിത്രത്തിൽ പ്രധാന കഥാപാത്രമായി അഭിനയിച്ച ഏറ്റവും ഉയരം കുറഞ്ഞ താരം എന്ന നിലയിൽ ഗിന്നസ് റെക്കോർഡ് നേടുകയുണ്ടായി. ഇതിനു ശേഷമാണു ഗിന്നസ് പക്രു എന്ന പേര് താരത്തിന് ലഭിച്ചത്. സൂര്യയോടൊപ്പം തമിഴിലെ സൂപ്പർ ഹിറ്റ് ചിത്രമായ ഏഴാം അറിവിലും താരം ഒരു പ്രധാന വേഷം ചെയ്തിട്ടുണ്ട്. താരത്തിന്റെ കുടുംബവും മലയാളികൾക്ക് ഏറെ പ്രിയപ്പെട്ടതാണ്.
ഗായത്രിയാണ് താരത്തിന്റെ ഭാര്യ. ദീപ്ത, ധ്വിജ എന്നിവരാണ് പക്രുവിന്റെ രണ്ട് പെണ്മക്കൾ. സോഷ്യൽ മീഡിയയിൽ വളരെ ആക്റ്റീവ് ആയ താരം തന്റെ മൂത്ത മകൾ ദീപതയുമൊന്നിച്ചു നിരവധി റീലുകൾ ചെയ്ത് സോഷ്യൽ മീഡിയയിൽ പോസ്റ്റ്‌ ചെയ്യാറുണ്ട്. ഇപ്പോൾ ശബരിമല ദർശനം നടത്തിയ സന്തോഷം ആരാധകരുമായി അടക്കം സോഷ്യൽ മീഡിയ പോസ്റ്റിൽ കൂടി പങ്കിടുകയാണ് പക്രു. അയ്യപ്പ ദർശനം നടത്തിയ പക്രു ശബരിമല തന്ത്രി, മേൽശാന്തി എന്നിവരെ അടക്കം സന്ദർശിച്ചു.