Akhil NRD Marrige With Megha Nair : ഇൻസ്റ്റാഗ്രാം താരം അഖിൽ വിവാഹിതനായി. മേഘ നായരാണ് വധു. ഏറെ നാളുകൾക്ക് മുമ്പാണ് ഇരുവരുടെയും വിവാഹ നിശ്ചയം കഴിഞ്ഞത്. ഇൻസ്റ്റാഗ്രാം ഉപയോക്താക്കൾക്കിടയിൽ വളരെ പെട്ടന്ന് വൈറലായ സോഷ്യൽ മീഡിയ താരമാണ് അഖിൽ. വ്യത്യസ്തമായ ശൈലിയിൽ വിഷയങ്ങൾ അവതരിപ്പിച്ചാണ് അഖിൽ ശ്രദ്ധ പിടിച്ചുപറ്റിയത്. വ്യത്യസ്തമായ ഉള്ളടക്കം തിരഞ്ഞെടുത്ത് മറ്റുള്ളവരിൽ നിന്ന് വ്യത്യസ്തനായി. സിനിമയുടെ പ്രമോഷനുകളിലും അഖിൽ പങ്കെടുക്കാറുണ്ട്.
വിവാഹ നിശ്ചയത്തിന് ശേഷം അഖിലിനൊപ്പമുള്ള വീഡിയോകളിൽ മേഘയും ആരാധകർക്ക് സുപരിചിതമാണ്. അഖിലിൻ്റെ മിക്ക വീഡിയോകളിലും സ്ഥിര സാന്നിധ്യമായ മേഖയെയും ആരാധകർ ഏറ്റെടുത്തു. ഇപ്പോഴിതാ ഇവരുടെ വിവാഹത്തിന്റെ കൂടുതൽ വിശേഷങ്ങൾ കാണാൻ കാത്തിരിക്കുകയാണ് ആരാധകർ. ഇരുവരുടെയും ദാമ്പത്യജീവിതം സന്തോഷകരമാക്കാൻ നിരവധി ആരാധകരാണ് പ്രാർത്ഥിക്കുന്നത്. വിവാഹത്തോടനുബന്ധിച്ച് ഹൽദിയും സേവ് ദി ഡേറ്റ് ചിത്രങ്ങളും വൈറലായിരുന്നു. സ്വർണ്ണ നിറത്തിലുള്ള സാരിയാണ് മേഖ ധരിച്ചിരിക്കുന്നത്. സാരിക്ക് ചേരുന്ന സ്വർണ്ണ നിറത്തിലുള്ള ഷർട്ടാണ് അഖിലിന്റെ വേഷം. വിവാഹ ഫോട്ടോയുടെ ചിത്രങ്ങളും ക്ഷണനേരത്തിലാണ് വൈറലായി മാറിയത്.
മർച്ചന്റ് നേവിയുടെ ഭാഗമായിരുന്നു അഖിൽ. ജോലിസ്ഥലത്ത് ലഭിച്ച പിന്തുണ അഖിലിന് വീഡിയോ ക്രിയേറ്റർ മേഖലയി കൂടുതൽ സഹായകമായി. അക്ഷയ സെൻ്ററിനെക്കുറിച്ചുള്ള ഒരു വിഡിയോയിലൂടെയാണ് അഖിലിനെ ആരാധകർ ശ്രദ്ധിച്ചുതുടങ്ങിയത്. ഫഹദ് ഫാസിലിൻ്റെ മാലിക് എന്ന ചിത്രവുമായി ബദ്ധപ്പെട്ട് നിരവധി വീഡിയോകൾ അഖിൽ ചിത്രീകരിച്ചിരുന്നു, എല്ലാം തന്നെ വൈറൽ റീലിസായി മാറിയിരുന്നു. പരസ്യങ്ങൾക്കും വീഡിയോകൾക്കും മികച്ച അഭിപ്രായം ലഭിച്ചു.
തുടക്കത്തിൽ അഖിൽ ഒറ്റയ്ക്കാണ് വീഡിയോ ഷൂട്ട് ചെയ്തിരുന്നത്. പിന്നീട് സുഹൃത്തുക്കളും വീഡിയോയ്‌ക്കൊപ്പം ചേർന്നു. അഖിലിൻ്റെ വീഡിയോയിൽ ആറംഗ സംഘമാണ് ഉള്ളത്. ഷിയാസ്, അഖിൽ പ്രസാദ്, അനന്തു രാഹുൽ, അക്ഷയ്, അരുൺ എന്നിവരാണ് അഖിലിൻ്റെ വീഡിയോയിലുള്ളത്. നീണ്ട വീഡിയോകളും അഖിൽ യൂട്യൂബിൽ പോസ്റ്റ് ചെയ്യാറുണ്ട്.